Einstök sýning 

Föstudaginn 3. júlí var opnuð Einstök sýning í félagsheimilinu Gíslastöðum í Haukadal í Dýrafirði. Elfar Logi Hannesson og Marsibil Kristjánsdóttir í Kómedíuleikhúsinu standa þar fyrir sýningu á málverkum einfaranna Guðmundu Jónsdóttur og Gunnars Guðmundssonar auk þess sem saga einleikjalistarinnar hér á landi er þar rakin í myndum og máli í samstarfi við Leikminjasafn Íslands. Sögumiðlun sá um hönnun sýningarspjaldanna. Sýningin í Haukadal er opin til 19. júlí, en einleikjaþátturinn verður settur upp aftur á einleikjahátíðinni Act Alone á Ísafirði í ágúst.